hajrath words

ஒரு பானை குடிநீரில்

ஒரு கையளவு உப்பைக் கலந்தால்

முதலில் அந்த நீரில் இருக்கிற

குடிக்கிற பக்குவத்தையும்

அந்த உப்பு எடுத்து விடுகிறது.

ஆனால் பாலிலே கலக்கப்படுகிற

ஒரு துளி தேன் பாலின்

சுவையை மேலும் அதிகரிக்கச் செய்கிறது.

நட்பு தேனைப் போல இருக்க வேண்டும்.

உப்பைப் போல இருக்கக் கூடாது.

தவிர தேனுக்கு இன்னொரு குணமும் உண்டு.

எந்தப் பொருளைத் தன்னோடு சேர்த்தாலும் அதைக் கெட வைக்காது.."

✍🏻 ஹஜ்ரத் அப்துல் வஹ்ஹாப் பாகவி

ஹஸ்ரத் ஆசைப்படுகிறார்கள் தன் பிள்ளைகள் எப்படி இருக்க வேண்டும் என்று.

1. பொருளாதார ரீதியில் தன்னிறைவு பெற்றவர்களாக இருக்க வேண்டும்

2. முழு மனம் மட்டும் உடல் ஆரோக்கியத்தில் இருக்க வேண்டும்

3. சமுதாயத்தோடு பிரிந்து இல்லாமல் சமுதாயத்துடன் இணைந்து அந்தஸ்தான வாழ்க்கை

4. குடும்பத்தாருடன் இணைந்து மகிழ்ச்சியான வாழ்க்கை வாழ வேண்டும்

5. எதிர்காலத்தைப் பற்றி பயம் இல்லாமல் தெளிவான எதிர்கால எண்ணங்களுடன் வாழ வேண்டும்

மரக்கன்றுகள் இறப்பு சதவீதத்தை குறைப்பது எப்படி?

 மரக்கன்றுகள் இறப்பு சதவீதத்தை குறைப்பது எப்படி?

மர விவசாயம் செய்பவர்களுக்கு மிக முக்கிய பிரச்சினை மரக்கன்று இறப்பு. தரமான மரக்கன்று, மண்ணுக்கேற்ற மரங்கள் எனத்தேர்ந்தெடுத்து நடவு செய்தாலும் மரக்கன்றுகள் ஒரு குறிப்பிட்ட சதவீதம் இறக்கிறது. மரக்கன்று இறப்பை தவிர்க்க கீழ்க்கண்ட விஷயங்களை கவனித்து செயல்படுத்தலாம்.

மரக்கன்று நடுவதற்கு முன்பு கவனிக்க வேண்டியவை

• மரக்கன்றுகளை வாங்கியவுடன் நடவேண்டாம்

மரக்கன்றுகள் நர்சரிகளில் இருந்து வாங்கிச்செல்லும் விவசாயிகள் உடனடியாக அவற்றை நடக்கூடாது. ஒரு நிழற்பான இடத்தில் கன்றுகளை வைத்து, கன்று தெளிர்ச்சியான பின் மண்ணில் நடவேண்டும்.

• மரக்கன்றுகளை மரநிழலில் பராமரிக்கவும்

வாங்கிச் செல்லும் மரக்கன்றுகளை மர நிழலில்தான் வைத்து கன்று தெளியும் வரை பராமரிக்க வேண்டும். நிழல் என்பதற்காக காற்றோட்டம் இல்லாத இடங்களிலோ வெய்யில் நுழைய முடியாத ஷெட் போன்றவற்றிலோ வைத்து பராமரிக்க கூடாது.

• மரக்கன்றுகளை வெப்பக் காற்றில் உலர விடவேண்டாம்

கன்றுகளை நர்சரியில் இருந்து விவசாய நிலத்திற்கு கொண்டு செல்லும் போது கன்றுகள் காற்றால் வாடி விடாமல் பாதுகாக்க வேண்டும். அதிகமாக வாடிவிட்டால் துளிர் வரும் வரை நிழலில் பாதுகாத்து பின்னர் நடவேண்டும்.

• கார் டிக்கியில் மரக்கன்றுகளை அதிக நேரம் வைக்கவேண்டாம்

கார் டிக்கியில் மரக்கன்றுகளை அடுக்கி வைத்து எடுத்துச் செல்பவர்கள், அதிலேயே காலை வரை வைத்திருக்கூடாது. எவ்வளவு சீக்கிரம் முடியுமோ அவ்வளவு சீக்கிரம் கார் டிக்கியில் இருந்து எடுத்து காற்றோட்டமாக நிழலில் அடுக்கி வைக்க வேண்டும்.

• மரக்கன்றுகளை சரியாக அடுக்கி தண்ணீர் ஊற்றவும்

நர்சரியில் இருந்து வாங்கிச் செல்லும் கன்றுகளை சரியாக நேராக அடுக்கி வைத்து தண்ணீர் கொடுக்க வேண்டும். பாக்கெட் (கன்று) சாய்ந்திருந்தால் பாக்கெட்டில் விடும் தண்ணீர் கன்றுக்கு கிடைக்காமால் கீழே ஓடி விடும், இதனால் கன்று வாடிவிடும்.

• மரக்கன்றுகளுக்கு கவனமாக தண்ணீர் கொடுக்கவும்

பராமரிக்கும் மரக்கன்றுகளுக்கு தண்ணீர் விடும் போது மிகவேகமாக ஹோஸ் மூலமாக நேரடியாக அடிக்கக்கூடாது. ஹோசில் ஷவர் பொறுத்திக் கொள்ள வேண்டும் அல்லது பூவாளியால் தண்ணீர் கொடுக்கலாம்.

மரக்கன்று நடும்போது கவனிக்க வேண்டியது

• கடும் கோடையில் கன்று நடவேண்டாம்

கோடை காலங்ளில் மரக்கன்று நடும்போது, நீர் பற்றாக்குறை மற்றும் வெப்பக்காற்றால் கன்றுகள் இறந்துவிட அதிக வாய்ப்புள்ளது என்பதால் இறப்பு சதவீதம் அதிகரிக்கும்.

• மரக்கன்றுகளை மாலையில் நடுவது உகந்தது

மரக் கன்றுகளை மாலையில் நடுவதே உகந்தது. மாலையில் 4 மணி அளவில் நடவு செய்தால் கிட்டத்தட்ட 15 மணி நேரத்திற்கு கடுமையான வெய்யிலில் இருந்து கன்றுகள் காக்கப்படும். நன்றாக வெய்யில் அடிக்கும்போது காலையிலோ அல்லது நன்பகலிலோ நடும்போது வெய்யில் காரணமாக இலைகளில் நீர் வற்றிவிடும். மேகமூட்டமான நாட்களில் காலையிலும் நடலாம்.

• மிக ஆழமாக குழி தோண்டக்கூடாது

இயந்திர ஆக்கர் மூலம் குழி தோண்டும் போது தேவைக்கு அதிகமாக குழி தோண்டக்கூடாது. ஆழமாக குழி தோண்டுவதால், குழியின் ஆழத்தில் பொளபொளப்பு தன்மை இருப்பதால் செடிக்கு ஊற்றும் தண்ணீர், உள் மண் அதிக பொள பொளப்பு இருப்பதால் நேராக உள்ளே சென்று தேங்கிவிடும். செடியின் வேருக்கு அருகே தண்ணீர் கிடைக்காது.

• கன்றுகளை மிக ஆழமாக நடக்கூடாது

கன்றுகளை ஆழமாக நட்டால் அதற்கேற்ப ஆழமான வட்ட பாத்தி போட வேண்டும். கன்றுகளை ஆழமாக நட்டுவிட்டு வட்டப்பாத்தி இல்லை என்றால் கொடுக்கும் நீர் மேலோட்டமாக நிற்கும், வேருக்கு தண்ணீர் செல்லாமல் கன்று இறந்துவிடும். (மரக்கன்றுகளை சரளை மற்றும் மணற்பாங்கான நிலத்தில் சற்று ஆழமாக நடவு செய்வது பரவாயில்லை, தண்ணீர் தானாகவே இறங்கும்.

• அனுபவம் இல்லாதவர்கள் நடக்கூடாது

மரக்கன்றுகளை நடும்போது மிககவனமான நடவேண்டும். மரக்கன்று நடவுசெய்து அனுபவம் உள்ள பணியார்களை மட்டும் பயன்படுத்த வேண்டும், அவர்கள் சரியான முறையில் நடுவார்கள். மரங்கள் குறித்து அடிப்படை தெளிவில்லாதவர்கள் நடும்போது கன்றுகளை மேலோட்டமாகவோ அல்லது ஆழத்திலோ நடுவார்கள்.

• தாய்மண் உடையக் கூடாது

மரக்கன்றுகளை பாலித்தீன் பையில் இருந்து பிரிக்கும் போது, தாய் மண் உடையாமல் பிரிக்க வேண்டும். தாய் மண் உடைந்தால் வேர்கள் அறுந்துவிடும், வேர் தூவிகளும் அறுந்து விடும் அந்த வேர்கள் மீண்டும் வளர ஒரு வாரம் ஆகும் என்பதால் செடிகள் வெய்யிலில் காய்ந்து விடும்.

• வேர் சுருண்டிருந்தால் வெட்டிவிட வேண்டும்

சிறிய பைகளில் உள்ள கன்றுகள் மூன்று அடிக்கு மேல் வளர்ந்து விட்டால் அதன் வேர்கள் வளர இடம் இல்லாமல் சுருண்டு வளரும், எனவே அந்த பையின் அடிப்பகுதியை மென்மையாக கிழித்து சுருண்ட வேரை நீட்டிவிட வேண்டும், வேரை நீட்டிவிட முடியவில்லை என்றால் சுருண்ட வேரை வெட்டி விட வேண்டும்.

• உயிர் தண்ணீர் உடனே கொடுக்க வேண்டும்

மரக்கன்று நட்டவுடன் உயிர் தண்ணீர் கொடுப்பது அவசியம். மரக்கன்று நட்டபின் பல மணி நேரம் கழித்து உயிர் தண்ணீர் கொடுப்பது தவறு. மாலையில் நட்டுவிட்டு காலையிலோ, காலையில் நட்டுவிட்டு மாலையிலோ உயிர்தண்ணீர் கொடுப்பது சரியல்ல. எந்த சூழ்நிலையிலும் கன்று நட்டவுடன் உயிர் தண்ணீர் கொடுக்க வேண்டும்.

• தேவைப்பட்டால் நிழல் அமைத்தல்

வெய்யில் தாக்கத்தாலோ அல்லது வேறு ஏதாவது ஒரு காரணத்தாலோ அதிகமாக வாடிப்போய் உள்ள மரக்கன்றுகளுக்கு தற்காலிக நிழல் கொடுப்பது நல்லது. உதாரணமான ஒரு மூங்கில் கூடையை கவிழ்த்து வைக்கலாம், சணல் சாக்கு மூலம் சிறு பந்தல் அமைக்கலாம்.

கன்று நடவுக்கு பின் கவனிக்க வேண்டியவை

• நட்ட கன்றுகளை தொடர்ந்து கவனிக்கவும்

கன்று நட்டு முதல் 15 நாட்களுக்கு ஒவ்வொரு கன்றுகளையும் நேரடியாக சென்று பார்ப்பது அவசியம்.

• மண்ணின் நீர் தன்மை அறிந்து தண்ணீர் விடவும்

வெய்யிகாலங்களில் மரக்கன்று நடும்போது கன்றுக்கு ஊற்றும் தண்ணீர், அதிக வெப்பத்தால் வேகமாக நீராவியாகிவிடும் என்பதால் வெய்யில் காலங்களில் மரம் நட்டால் தினந்தோறும் தண்ணீர் கொடுப்பது நல்லது. மழைக்காலத்தில் தண்ணீர் தேவையைப் பொறுத்து வாரம் ஒரு முறை கொடுக்கலாம். 

• மேலோட்டமாக தண்ணீர்விடுவதை தவிர்க்கவும்

கன்றுகளை ஆழமாக நடவு செய்துவிட்டு, குறைந்த தண்ணீரை மட்டும் மேலோட்டமாக விடுவது தவறு. கன்று நடவு செய்து 3 வருடங்களுக்கு வாரம் ஒரு முறை 10 லிட்டர் தண்ணீர் கொடுக்க வேண்டும். இதை மண்ணின் தன்மைக்கேற்ப இரண்டாக பிரித்தும் கொடுக்கலாம்.

• சரியான நேரத்தில் தண்ணீர் கொடுக்க வேண்டும்

செடி காயாமல், சரியான நேரத்தில் தண்ணீர் கொடுக்க வேண்டும். ஈரப்பதம் பார்த்து கொடுக்க வேண்டும். செடிகள் காய்ந்த பின் நீர் கொடுப்பதால் எந்த பயனுமில்லை. சில நேரம் மேலோட்டமான மழையால் மேல் மண் ஈரமிருக்கும். ஆனால் வேருக்கு நீர் இருக்காது, அப்போது தண்ணீர் கொடுப்பது அவசியம்.

• நீர் தேங்கக் கூடாது

கன்றுகளை சுற்றி தொடர்ந்து நீர் தேங்கக்கூடாது. நீர் தேங்கும் நிலத்தில் வடிகால் வசதி அவசியம். டெல்டா பகுதிகளில் மரக்கன்று நடும்போது மேட்டுப்பாத்தி எடுத்து நடவேண்டும்.

• காற்றுத் தடுப்பான் இருந்தால் நல்லது

வேகமான காற்று மற்றும் வெப்பக்காற்று நாற்றுகளை வளர விடாது. எனவே அதிகமான காற்று அடிக்கும் பகுதிகளில் வேகமாக வளரக்கூடிய காற்று தடுப்பு மரங்களை நடுவது அவசியம்.

• களைகளை கட்டுப்படுத்த வேண்டும்

மரக்கன்று நட்டு அவற்றை சரியாக பராமரிக்காமல், களை சேரவிட்டால், களைகள் மரக்கன்றுகளை அழுத்தி அவற்றை வளரவிடாது. எனவே களைகளை கட்டுப்படுத்தி வைக்க வேண்டும்.

மேற்கண்ட விஷயங்களை மரவிவசாயிகள் தங்கள் கவனத்தில் கொண்டு மரக்கன்றுகளை நட்டு பராமரிக்கும் போது மரக்கன்று இறப்பு சதவீதத்தை குறைக்க முடியும்.

🌳🌊

வயசுப் பிள்ளைகளின் பெற்றோருக்கு... -பாலகுமாரன்

 வயசுப் பிள்ளைகளின் பெற்றோருக்கு... -பாலகுமாரன்

பாலகுமாரன் விகடனில் எழுதிய 'வயசுப் பிள்ளைகளின் பெற்றோருக்கு.

இந்தியாவின் உயிர்நாடி இந்தியா முழுவதும் பரவிக் கிடக்கும் குடும்பம் என்கிற அமைப்பில்தான் இருக்கிறது.

குடும்பமற்று தனியே வாழும் மனிதரை அவர் துறவியாக இருந்தாலொழிய இந்திய மக்கள் பெரிதும் சிலாகிப்பதில்லை. குடும்பம் என்ற விஷயத்தின் பொறுப்புகளை ஏற்று, பொறுமையாகப் போராடி, வாழ்க்கையின் பாதிக்கு மேற்பட்ட வயதைத் தாண்டி, வெற்றிகரமாக நடந்திருக்கும் கிட்டத்தட்ட என் வயதிருக்கும் உங்களிடம் சில விஷயங்களை உரத்து சிந்திக்க இந்தப் பகுதியைப் பயன்படுத்திக் கொள்கிறேன்.

வெகுநாள் கழித்து என்னைச் சந்தித்த நண்பர், ‘நான் எதுவும் உன்னைப்போல் சாதிக்கவில்லை. மூன்று பெண் குழந்தைகள். இருவருக்குத் திருமணம் செய்துவிட்டேன். மூன்றாவது பெண்ணுக்கு வரன் பார்த்துக்கொண்டு இருக்கிறேன்’ என்றார்.

‘இது போதுமே, இதைவிட பெரிய சாதனை வேறு எது இருக்கிறது?’ என்று அவரை நோக்கி கைகூப்பினேன். அந்த நண்பரும் அவர் மனைவியும் அந்த மூன்று குழந்தைகளை ஓர் உயர்நிலைக்கு கொண்டுவர எத்தனை போராடியிருப்பார்கள் என்பது எனக்குத் தெளிவாகப் புரிகிறது.

எனக்கும் கிட்டத்தட்ட ஐம்பத்துநான்கு வயது ஆனதால், எனக்கும் வயதுக்கு வந்த குழந்தைகள் இருப்பதால் இந்த விஷயம் மிகப்பெரிய சாதனையாகவே தோன்றுகிறது.

பெற்றோர்களின் தியாகங்கள் இல்லாமல் எந்தக் குழந்தையும் உயர்நிலைக்கு வந்துவிடுவதில்லை. வெறும் சோறுபோட்டு வளர்ப்பது மட்டுமே குழந்தை வளர்ப்பு ஆகிவிடாது. பள்ளிக்கூட சம்பளமும் பாடப்புத்தகங்களும் மட்டுமே அவர்களுக்கு பலம் கொடுத்துவிடாது. நல்லன சொல்லிக் கொடுத்தும் அல்லாதவைகளிலிருந்து அவர்களை விலகியிருக்க செய்வதுமே குழந்தை வளர்ப்பின் முக்கியமான அங்கமாக இருக்கிறது. கெட்ட விஷயங்களிலிருந்து விலகி இருக்கிற குழந்தைகள் பிற்காலத்தில் சாதனை படைக்க பலமுள்ளவர்களாகிறார்கள்.

கெட்ட விஷயங்களை கற்றுக் கொள்வதின் வித்து அநேகமாக பெற்றோர்களிடமிருந்துதான் வருகிறது. அவர்களுடைய அடக்குமுறையும் அதிகார நடவடிக்கையும்தான் அவற்றுக்கு உரமாகின்றன.

என் மத்திம வயதில் சந்தித்த அந்த மனிதரை எனக்கு மிக நன்றாகத் தெரியும். அவரோடு வேலை நிமித்தம் நெருங்கிய பழக்கம் கொள்ளவேண்டிய நிர்ப்பந்தம் எனக்கு ஏற்பட்டது. அவர் கணக்கில் புலி. மெல்லிய ஆங்கில மேதமை உடையவர். நிர்வாகத்திறன் உடையவர். கடுமையாக உழைப்பவர். புத்திசாலி. பேசிப் பேசி ஆட்களை எடைபோடும் சாமர்த்தியசாலி.

அந்தக் கெட்டிக்கார மனிதருக்கு ஒரு கெட்டிக்கார மனைவி துணையாக வாய்த்தாள். அவருடைய வளர்ச்சிக்கு அந்தப் பெண்மணி மிக முக்கியமான காரணமாக இருந்தாள்.

அவர்களுக்கு ஒரு மகனும் பிறகு ஒரு மகளும் பிறந்தார்கள். சிறப்பாக வாழ்ந்தார்கள். வாழ்க்கையின் வெற்றிப்படிகளில் கால் வைத்து எகிறி எகிறி போய்க்கொண்டிருந்த அந்த மனிதர் குழந்தைகள் மீது மிகுந்த பாசம் வைத்திருந்தவர். கடுமையான வார்த்தைகளைப் பிரயோகிக்காதவர்.

அவர் குழந்தைகள் நன்கு படித்தார்கள். குறிப்பாக, அந்தப் பெண் குழந்தை அற்புதமாக படித்தாள். அவள் பள்ளிக்கூடத்தில் முதலாவதாக வருவதையும் படிப்பில் மிக கெட்டிக்காரியாக விளங்குவதையும் அவரால மற்றவரோடு பகிர்ந்துகொள்ளாமல் இருக்கமுடியாது. அவர் மகளையும் மகனையும் பாராட்டியே அவரிடம் கடன் வாங்கிக் கொண்டு போனவர்கள் அதிகம் பேர்.

குழந்தைகளின் பருவ வயதுக்கு முன்பு குமாஸ்தாவாக இருந்த அந்த நண்பர் குழந்தைகள் பருவமடைந்த கால கட்டத்தில் அதிகாரியாக மாறினார். பொறுப்புகள் அதிகரித்தன. வீட்டோடு செலவழிக்கும் நேரம் குறைந்தது. ஆனால் வருமானம் பல மடங்கு அதிகரித்தது. வீட்டோடு தன்னால் இருக்க முடியவில்லையோ என்ற ஏக்கத்தை அவர் வேறுவிதமாக ஈடுகட்ட விரும்பினார். காசை வீசியெறிந்து, பொருள்கள் வாங்கி வந்து குழந்தைகள் திகைத்து நிற்பதைக் கண்டு சந்தோசப்பட்டார்.

அதிகாரம் அதிகரித்துக் கொண்டே போக, காசு பலவழிகளில் வந்தது. ரூபாய் நோட்டுகளை எண்ணி கட்டுக்கட்டாய் வைக்க பிள்ளை ஆசைப்பட்டான். கற்றுக் கொள்ளட்டும் என்று அப்பாவும் அனுமதித்தார். காசின் திசை தெரிந்த பிள்ளைக்கு படிப்பு வேகமாக வரவில்லை. ஆனால் விலகியிருந்த பெண் படிப்பில் நல்லபடி தேறினாள்.

மகனும் மகளும் கல்லூரிக்கு வந்த நேரத்தில் அவர் இன்னும் உயர் பதவிக்குத் தாவினார். இன்னும் அதிகம் சம்பாதித்தார். வீடு அவரை தெய்வமென்று கொண்டாடியது.

ஒரு பெரிய தொழிற்சாலையே கட்டித் தூக்க வேண்டிய கட்டாயத்தில் அவர் இருந்ததால் குடும்பத்தைப் பற்றி அவரால் நினைத்துக்கூடப் பார்க்க முடியவில்லை. மனைவி பார்த்துக்கொள்வார் என்று முழுமனதாக நம்பினார்.

மனைவியோ குழந்தைகளே தங்களைப் பார்த்துக் கொள்வார்கள் என்று எண்ணிக்கொண்டாள். குழந்தைகள் தங்களைத் தாங்களே கவனித்துக் கொண்டார்கள். பெண் பக்கத்துவீட்டுப் பையனைக் காதலித்து ஓடிப் போனாள். பையன் குடிப்பதற்கும் சூதாடுவதற்கும் கற்றுக்கொண்டான்.

வளர்ந்துகொண்டே போன அவரது வாழ்க்கை குழந்தைகளால் அடிபட்டது. அவர் மனைவியைக் குற்றம் சாட்டினார். மனைவி அவரைக் குற்றம் சாட்டினார். இன்று வரையிலும் அந்த விஷயம் சரியாகவில்லை. அந்தக் குழந்தைகள் அவரவர் போக்கில் வாழ்க்கையை அமைத்துக் கொண்டபோதிலும் என்னுடைய நண்பருக்கு தன்னுடைய வாழ்க்கை மிகப்பெரிய தோல்வி என்பதாகவே இன்னமும் ஓர் உணர்வு இருக்கிறது.

குழந்தைகளோடு அந்நியப்படுதல் கூடாது என்பதை இந்த நண்பரின் வாழ்க்கை எனக்கு சொல்லிக் கொடுத்த்து. காசு சம்பாதிப்பதில் தன்னை இழந்து, தன்னை இழந்ததன் மூலம் தன் குடும்பத்தையும் இழந்த பல கதைகள் இங்கே இடைவிடாது நடைபெறுகின்றன. ஆயினும் காசு வேட்டை குறைந்ததாகச் சரித்திரம் இல்லை. குழந்தைகளோடு பேசிச் சிரிக்கிற சந்தோஷத்தைக் காசு வேட்டையிலுள்ள எந்த பெற்றோராலும் கவனித்து நடத்த முடியவில்லை. குழந்தைகளோடு பேசுவது முக்கியம் என்பது குழந்தைகள் உதறி விலகிய பின்னர்தான் பல பெற்றோர்களுக்குப் புரிகிறது.

வயிறு நிறைய சோறும் உடம்பு நிறைய நகையும் பீரோ நிறைய துணிமணிகளும் சந்தோஷமாகாது.

‘இது யார்? உன்னுடைய நண்பனா? அவனை இங்கே கூப்பிடு. நண்பா…உன் பெயரென்ன? உன் தந்தை என்ன செய்கிறார்? உன் வாழ்க்கையில் என்ன லட்சியம் வைத்திருக்கிறாய்? உன்னுடைய பழக்கவழக்கங்கள் எப்படி? ‘ என்று மகனையும் வைத்துக்கொண்டு மகனின் நண்பனிடம் பேச எந்தத் தந்தைக்கு வாய்ப்பிருக்கிறதோ, அவரே குழந்தையின் நலத்தில் அக்கறை உடையவர் ஆகிறார்.

மகள் டி.வியில் தனக்குப் பிடித்த நடிகரைப் பார்த்து குதித்து கும்மாளமிடும்போது வாய்விட்டுச் சிரித்த தாய் அந்த டி.வி நிகழ்ச்சி முடிந்த பிறகு மெள்ள கூப்பிட்டு, ‘இது நம் வீடு. நாம் எப்படி வேண்டுமானாலும் சிரித்து ஆனந்தப்படலாம். ஆனால், இதே விதமாக வேறு வீட்டில் ஏற்படப்போகிறது. கவனமாக இரு. அவர்கள் இதை ரசிக்கமாட்டார்கள் மாறாக உன்னை கேலி செய்வார்கள். எனவே நடிகர்களை ரசிக்கிற விதத்தை சற்று நிதானமாக்கிக்கொள்’ என்று காதோரம் சொன்னால் அந்தத் தோழமை மகளைப் பலப்படுத்தும்.

நிறைய சம்பாதிக்கும்போது நீங்கள் உயர்ந்த நிலைக்கு நிச்சயம் போகிறீர்கள். போகிறபோது உங்கள் குழந்தைகளையும் தோள்களில் தூக்கிக் கொண்டு போவதுதான் நல்லது. விட்டுவிட்டுப் போனால் குழந்தைகள் உயரத்திலிருந்து தடுமாறி விழுந்துவிட வாய்ப்பிருக்கிறது.

‘குளித்தால் போதாதா? எதற்குப் பல் தேய்க்கவேண்டும்’ என்று யாராவது கேட்பார்களா? அதேபோல சம்பாதித்தால் போதாதா, எதற்கு குழந்தைகளைப் பேண வேண்டும் என்று கேட்க முடியாது. இரண்டும் மிக மிக அவசியமாய் செய்யவேண்டிய விஷயங்கள்.

குழந்தைகளைப் பேணுதல் என்பது குழந்தைகளைப் பயமுறுத்தல் அல்ல. அடக்கிவைத்தல் அல்ல. அவர்கள் தக்க மரியாதைகளோடும் பிரியத்தோடும் பெற்றோர்களைப் பார்ப்பது…பார்க்கும் படி வைத்தலே குழந்தைகளைப் பேணுதல்.

குழந்தைகள் பயமின்றி இருக்கவேண்டும் என்றால் மனைவி கணவனிடம் பயமின்றி இருக்க வேண்டும். மனைவியிடம் கணவன் பிரியமுடன் இருக்கவேண்டும்.

‘சரி…மனைவியிடம் பிரியமாக இருத்தல் என்பது என்ன?’

மனைவியிடம் உண்மையாக இருப்பது…மனைவியிடம் உண்மையாய் இருத்தல் என்பது என்ன?’

தன் மனைவியைத் தவிர, வேறு எந்தப் பெண்ணுக்கும் முதன்மை ஸ்தானம் கொடுக்காமல் இருத்தல். எனவே, மிக சூட்சுமமாக உற்றுப் பார்த்தால், குடும்பம் என்பது ஒழுக்கத்தின் விஷயமாக இருக்கிறது.

பெற்றோர்களின் ஒழுக்கத்துக்கு இன்னொரு பெயர்தான் குடும்பப் பொறுப்பு. இந்தக் குடும்பப் பொறுப்பு அல்லது ஒழுக்கம் பெற்றோர்களிடம் பிசிறுகிறபோது குழந்தைகள் மிக ஆர்வமாக அதைக் கவனிக்கிறார்கள். அதைக் கவனிக்கிற வயதில் அவர்கள் தாங்களும் கோணலாகி நடக்கலாமோ என்ற எண்ணத்தைத் தோற்றுவிக்கிறது. எனவே, ஒழுக்கக் கேட்டிற்கு வாய்ப்புகள் ஏற்பட்டாலும், ‘வேண்டாம் இது என்னையும் என் மனைவியையும் பாதிப்பதோடு மட்டுமல்லாமல் என் குழந்தைகளையும் பாதிக்கும். என் வம்சத்தைப் பாதிக்கும். எனவே, இவர்கள் சொல்கின்ற இந்த தீய விஷயங்களிலிருந்து நான் விலகி நிற்கிறேன்’ என்று கை கூப்பி தனக்குள்ளே ஆழ்ந்து அடங்கி, கெட்ட விஷயங்களுக்குப் போகாமல் இருக்க ஒரு தந்தை, தாய் முயற்சி செய்து விட்டாலே குடும்பம் உருப்பட்டுவிடும். குழந்தை வளர்ப்பு நல்ல நிலைக்குப் பலமாக வந்துவிடும்.

இப்போதும், பிரச்னை முடிந்துவிடுவதில்லை. நீங்கள் மட்டும் ஒழுக்கமாக இருப்பதாலேயே உங்கள் குழந்தைகள் சீரும் சிறப்புமாக வளர்ந்துவிட முடியாது. குழந்தைகள் நீங்கள் இல்லாத நேரத்தில் பல பேரால் வளர்க்கப்படுகிறார்கள். பள்ளிக்கூடத்தில் பக்கத்தில் அமர்ந்திருக்கிற மாணவன், எதிர் வீட்டுப் பெண், வீட்டு வேலைக்காரர்கள், சுற்றியுள்ள உறவினர்கள், அவர்கள் வாழ்க்கை முறைகள், அந்த தெருவின் தன்மை, அந்த நகரத்தின் குணம்,அந்த மாநிலத்தின் இயல்பு என்றெல்லாம் பல விஷயங்கள் குழந்தைகளைப் பாதிக்கின்றன. கலை, அரசியல் விஷயங்களும் அவர்களைத் தீண்டி திகைக்க வைக்கின்றன... வாழ்க்கையின் எல்லா பகுதிகளையும் அவர்கள் தாங்களே கவனித்துக் கொள்வார்கள். நல்லவற்றுக்கும் கெட்டவற்றுக்கும் போய் நின்று அறிமுகப்படுத்திக் கொள்வார்கள். பிறகு, வீட்டுக்கு வருவார்கள். வீட்டுக்கு வர, அந்தக் குழந்தைகளிடம் தாயும் தந்தையும் பேச வேண்டும்.

‘என்ன கேள்வியாக இருந்தாலும், எதைப் பற்றிய கேள்வியாக இருந்தாலும் எந்தவிதமான சந்தேகமாக இருந்தாலும் அஞ்சவேண்டாம். உனக்கு சொல்லிக் கொடுப்பதற்கே நான் இருக்கிறேன். உன்னை வழி நடத்தவே தாய் இருக்கிறாள். நாங்கள் இருவரும் உட்கார்ந்து உலக விஷயங்கள் பேசும்போது எங்களுக்கு அருகே உட்கார்ந்து நீங்களும் பேசுங்கள்’ என்ற விஷயத்தைக் கைக்கொள்ள வேண்டியிருக்கும்.

‘அப்பா எனக்கு ஒரு காதல் கடிதம் வந்திருக்கிறது’ என்று ஒரு குழந்தை அருகே வந்து சொல்லக் கூடிய தைரியத்தை அந்தக் குழந்தைக்குத் தர வேண்டும். ‘கொண்டா…யாரது?’ என்று அமைதியாக வாங்கிப் பிரித்துப் படித்துவிட்டு எவனோ உளறியிருக்கிறான். பாவம் அதைப் பெரிதாக எடுத்துக் கொள்ளவேண்டாம். உனக்கு ஏகப்பட்ட வேலைகள் இருக்கின்றன. நீ வெற்றிகொள்ள வேண்டிய விஷயங்கள் பலநூறு இருக்கின்றன. இவற்றில் கவனம் செலுத்தாதே’ என்று சொல்லித்தர வேண்டும்.

கணக்குப் பாடம் போடும்போது, பென்சிலை வாயில் சிகரெட் போல வைத்து உருட்டிக் கொண்டிருக்கும் பிள்ளையில் அருகே போய், மெள்ள பென்சிலை எடுத்துக் கீழே வைத்துவிட்டு, ‘உதடு மீது இப்படி பென்சிலை உருட்டினால், உனக்கு உள்ளுக்குள்ளே சிகரெட் பிடிக்கிற ஆசை இருக்கிறதென்று அர்த்தம். எனவே, உற்று உன்னைக் கவனித்து, சிகரெட் பிடிக்கிற ஆசையிலிருந்து தயவுசெய்து வெளியே வந்துவிடு’ என்று மகனுக்குத் தந்தை போதிக்கவேண்டும். ‘சிகரெட் மிகப்பெரிய தவறு. அநேகமாக அதற்குப் பெயர் கொலைக்குற்றம். உன்னை நீயே கொலை செய்ய முயற்சிக்கிறாய் என்று அர்த்தம். உன் மனதைச் சோர்வாக்கி, உன்னை வாழ்க்கையின் இடைநிலைக்கு சிகரெட் கொண்டுபோய்விடும். தயவுசெய்து இப்போதே, இந்தக் கணமே, இதிலிருந்து விடுபடு’ என்று தந்தை அவசரமாக உபதேசிக்க வேண்டும். உபதேசிக்கிற மனநிலை, உபதேசிக்கிற நேரம் தந்தைக்கு இருக்க வேண்டும். இந்த உபதேசத்தை அம்மா தொடர்ந்து அமல்படுத்த வேண்டும்.

அப்பா, அம்மாவிடம் பிரியமாக இருக்கிறார். அம்மா, அப்பாவிடம் அதிக பிரியத்துடன் இருக்கிறார் என்று தெரிந்தாலே வீட்டிலுள்ள குழந்தைகள் பெற்றோர் மீது பிரியத்துடன் இருப்பார்கள். பிரியம் என்பதற்கு அர்த்தமே பயமின்மை. பயமின்றிப் பெற்றோர்களுக்கு அருகே இருந்து பேசத் தெரிந்துவிட்டால், அந்தக் குழந்தைகளை ஜெயிப்பதற்கு இந்த உலகத்தில் வேறு எவரும் இல்லை. காசு கொடுக்கிற பலத்தைவிட, அன்பு கொடுக்கிற ஆரோக்கியம் மிகப் பெரியது. அன்பு என்பது ஒருமுகப்பட்ட அக்கறை. அக்கறையின் வெளிப்பாடுதான் அன்பு. அக்கறை என்பது குழந்தைகள் மீது, குடும்பத்தின் மீது இருந்து விட்டால் அவர்களோடு செலவிட நேரம் நிச்சயம் கிடைக்கும்.

வீடு சரியாக இருந்துவிட்டாலே, வெளியுலகத்தின் ‘சோதனைகளை எதிர்கொள்ள குழந்தைகள் தயாராகிவிடுவார்கள்.

அடிதடிகளும், ரகளைகளும் கோபங்களும் கேலிகளும் அவமானங்களும் ஒவ்வொரு இளைஞனும் யுவதியும் வெளியுலகத்தில் சந்தித்தே தீரவேண்டிய நிர்ப்பந்தம் இருக்கிறது. அங்கே காயப்பட்டால் ஓர் இளைஞன் எங்கே வந்து அழுவான்? அங்கே அவமானப்படுத்தப்பட்டால் ஒரு யுவதி யாரிடம் போய்ச் சொல்வாள்? சொல்வதற்கு இதமாக வீட்டுச் சூழ்நிலை அமைய வேண்டும்.

‘ராகிங்’ என்று தரையில் நீச்சலடிக்க வைத்தார்கள் அம்மா’ என்று பெண் சொன்னால் இரவு அந்தப் பெண் பக்கத்திலேயே தாய் படுத்துக் கொண்டு அவள் தலையைக் கோதி, ‘எல்லாம் சரியாகப் போய்விடும். மறுமுறை அவர்களைச் சந்திக்கிறபோது இறைவன் பெயரைச் சொல். அவர்கள் உற்றுப் பார்த்து விலகிவிடுவார்கள்!’ என்று ஆறுதல் சொன்னால் போதும்…அந்தக் குழந்தை அடுத்த நாள் காலேஜூக்கு மிகுந்த நம்பிக்கையோடு போகும். சோதனைகள் அதிகமானாலும் இறைவன் பெயரைச் சொல்லி ஆறுதல் படுத்தவேண்டும்.

‘கடக்கக் கூடாத இடத்தில் தெருவைக் கடந்தேன் என்று போலீஸார் என்னைப் பிடித்துவிட்டார்கள். நான் இந்த ஸ்டேஷனில் இருந்து பேசுகிறேன். தயவுசெய்து இருநூறு ரூபாய் அபராத பணத்தோடு வாருங்கள்’ என்று மகன் தந்தைக்கு போன் செய்ய அடுத்த பத்து நிமிடத்தில் தந்தை போலீஸ் ஸ்டேஷனுக்கு வந்து அபராதம் கட்டி பையனை மீட்டுக்கொண்டு போனது மட்டுமல்லாமல், ‘இனி, சற்று கவனமாக தெருவில் போ…இதை மறந்துவிடு.

இது பெரிய அவமானம் ஒன்றுமில்லை. இதுமாதிரி பலபேருக்கு நிகழ்ந்திருக்கிறது. இனி இன்னொருமுறை இம்மாதிரி செய்யக்கூடாது என்பதற்குதான் அபராதம் விதித்திருக்கிறார்களே தவிர, உன்னை அவமானப்படுத்துவதற்கு இல்லை. துடைத்துவிட்டு உன் வேலையைப் பார்’ என்று ஆறுதலாகத் தகப்பன் சொன்னால் போதும். கற்றுக்கொண்டு அதைத் திறம்பட நடத்த பிள்ளைக்குத் தெரிந்துவிடும்.

இம்மாதிரி சாதாரண சோதனைகள்தானா குழந்தைகளை தொந்தரவு செய்கின்றன? இல்லை. பத்திரிக்கையில் வரும் கள்ளக்காதலும் திரைப்படத்தில் வரும் நெஞ்சை அள்ளும் காதலும் கதைகளில் வரும் இறுக்கமான கதாபாத்திரங்களும் அவர்களை கலைத்துப்போட வாய்ப்பிருக்கிது. பாட்டுக்கள் கிறங்க அடிக்க, தொலைக்காட்சிப் பெட்டியில் காணும் ஆணும் பெண்ணும் கவர்ந்து இழுக்க, அவர்கள் காதலிக்கின்ற இடம் கண்ணைக் கவர, உடைகள் வியப்பில் ஆழ்த்த, கவிதை வரிகள் ‘சுருக்’கென்று தைக்க, தானும் இதில் ஈடுபட்டால் என்ன என்று தோன்றும்.

உடம்பின் பசி அதை உந்தித் தள்ளும். மனசு ஏக்கம் காதலை இழுத்து கொண்டு வரும். கண்ணில் பார்த்த எல்லா பொருட்களும் காதல் சம்பந்தப்பட்டதாகக் காட்சி அளிக்க, அந்த இளைஞனோ யுவதியோ கால் இடறி அந்தகுளத்தில் விழுவது நிச்சயம்.

இந்தக்குழந்தையை எப்படி காப்பாற்றுவது?

காதலிப்பது தவறே இல்லை. ஆனால் காதல் என்பது குடும்ப கௌரவத்தை பலி போட்டு வருவதாக இருக்க்கூடாது. குடும்ப கௌரவம் என்பது உனது படிப்பு வெற்றியிலும் திருமண நிகழ்ச்சியிலும் இருக்கிறது. எனவே, நீ உன் துணையை தேர்ந்தெடுப்பதைவிட அதிக அக்கறையாக நான் உனக்குத் தேர்ந்தெடுப்பேன். கவலையே வேண்டாம்’ என்று மகளுக்கோ மகனுக்கோ வார்த்தை கொடுத்தால் போதும்…அவர்கள் வீட்டைக் காதலிக்கத் துவங்குவார்கள்.

குழந்தைகளோடு பேசினால் கெட்டுப்போக மாட்டார்களா? நான் என் குழந்தைகளோடு தினம் கொஞ்சினேன் அய்யா. ஆயினும் அவன் கெட்டுத்தான் போனான் என்று என்னிடம் சொன்னவரும் உண்டு. இந்த விஷயத்தில் நான் ஒரு மோசமான முன்னுதாரணம். என் அம்மா என்னோடு தயக்கமற பேசுபவள். என்னை அணைத்து பல விஷயங்கள் சொல்லிக் கொடுத்தவள்.

நான் அவளைக் கதற அடித்திருக்கிறேன். அவளை வேதனைப்படுத்தி இருக்கிறேன். தவறான இடங்களிலும் கால் வைத்து அவளைக் கலவரப்படுத்தி இருக்கிறேன். இடைவிடாது சிகரெட் குடித்து அவளை வெதும்பச் செய்திருக்கிறேன். ஆத்திரமும் கோபமுமாக நடந்து அவளைப் பயமுறுத்தி இருக்கிறேன். ஆனால் அந்தப் பெண்மணி எனக்காக இறைவனிடம் இடைவிடாது பிரார்த்தனை செய்து என்னைப் பல மோசமான விஷயங்களிலிருந்து மீட்டு வந்தாள். அம்மாவின் பிரார்த்தனையால் நான் நன்கு எழுத முடிந்த்து. அம்மாவின் பிரார்த்தனையால்தான் என் கெட்ட பழக்கங்கள் பலதும் என்னைவிட்டுப் போயின. அம்மாவின் பிரார்த்தனைதான் எனக்கு பிரார்த்தனை செய்யவும் சொல்லிக் கொடுத்த்து. அம்மாவின் பிரார்த்தனைதான் எனக்கு குரு என்பவரை அறிமுகப்படுத்தியது. அவரை வழிகாட்டியாக எடுத்துக் கொள்ள அம்மாவின் பிரார்த்தனை உதவி செய்த்து.

நம் குழந்தைகளைக் காப்பாற்ற, நமது குழந்தைகளை நல்ல வழியில் திசை திருப்ப, நமக்குத் திராணி இல்லாமல் போகலாம். சக்தி குறைந்திருக்கலாம். அதற்கு உண்டான சாமர்த்தியம் இல்லாது போயிருக்கலாம். நாம் மனதார பிரார்த்தனை செய்தால் நம் குழந்தைக்கு அவனுக்கு ஏற்ற குரு கிடைத்துவிடுவார்.

உங்கள் குழந்தைக்கு செல்வம் சேர்த்துவைப்பதைவிட, உங்கள் குழந்தைக்கு படிப்பு கொடுப்பதைவிட, உங்கள் குழந்தைக்கு நல்ல ஆரோக்கியமான உணவு கொடுப்பதைவிட, மிக முக்கியமான விஷயம். அவனுக்கு ஒரு நல்ல குருவை அறிமுகப்படுத்துதல். தாய், தந்தையர் தன் மகனுக்கு தான் மட்டும் ஆதரவாக இல்லாமல் தன் குடும்பத்துக்கு ஒரு குருவை தேடிக் கொண்டார்கள் என்றால் ஒரு சத்துள்ள மனிதரை ஆதாரமாகப் பிடித்துக்கொண்டார்கள் என்றால் அவரிடம் சரணடைந்து அவரின் ஆலோசனை கேட்டு நடந்தார்கள் என்றால், அந்தக் குழந்தைகள் இன்னும் சீரும் சிறப்புமாக வலம் வருகிறார்கள்.

தகப்பனிடம் கேட்க முடியாததையும் தாயாரைக் கேட்க முடியாததையும் குரு மூலம் தெளிவாகக் கற்றுக் கொள்கிறார்கள். ஆழ்ந்த இறைநம்பிக்கை வைக்கப் பழக்கப்படுகிறார்கள். அமைதியாக இருக்க அவர்களுக்கு வழிகாட்டப்படுகிறது.

எனவே உங்கள் குழந்தைகளுக்கு ஒரு குருவைத் தேடிக்கொடுக்கவும் நீங்கள் முயற்சி செய்யலாம். அப்போது மொத்த குடும்பமுமே மிக சந்தோசமாக, நிம்மதியாக, பரவசமான ஓர் இடத்துக்கு வந்து நிற்பதை நீங்கள் உணர்வீர்கள். நல்ல நேரங்களிலும் கெட்ட நேரங்களிலும் குருவின் அண்மை உங்களைக் காப்பாற்றும். உங்கள் குழந்தைகளைக் கவனமாக அவருடைய சூட்சுமப் பார்வை பதிந்து மேலேற்றும்.

இவையெல்லாம் தாண்டியும் வாழ்க்கை சோதனைகள் நம்முகத்தை வந்து தாக்குவதற்கு வாய்ப்புகள் இருக்கின்றன. பெற்றோர்கள் அந்தச் சோதனைகளை ஏற்றுக் கொள்கிற பக்குவத்தைப் பார்த்து, குழந்தைகளும் அதே விதமான பக்குவத்தைப் பெறுகிறார்கள்.

மனித நாகரிகம் மெள்ள மெள்ள வளர்ந்த்து குடும்பம் என்கிற விஷயத்தின் மூலம்தான். அற்புதமான விஞ்ஞானிகளையும் உயர்தரமான கலைஞர்களையும் எதற்கும் அஞ்சாத வீரர்களையும் உலகுக்குக் கொடுத்தது ஒரு தாயும் தந்தையும்தான்.

எனவே, தாயும் தந்தையும் அஸ்திவாரமாக இருக்கின்ற குடும்பம் என்ற அந்தக் கோயிலை நாம் பேணிப்பாதுகாத்துவிட்டால் போதும்…நம் குழந்தைகள் அந்தக் கோவிலுக்குள் குடியிருக்கும் தேவதைகளாக விளங்குவார்கள் என்பதில் எனக்குச் சிறிதும் ஐயமில்லை.

அன்புடன் பாலகுமாரன்

After 10 or 12 Standard

 

சிந்தனை செய்துபார்

தொழில் துறையில் மட்டுமின்றி, வாழ்க்கையில் எல்லாக் கோணங்களிலும்

சிந்தனைக்கும் முக்கியத்துவம் உண்டு. சிந்தனையில்லாமல் செய்யப்படும்

செயல்கள், இறுதியில் நிந்தனையைத் தேடித் தருகின்றன. எனவே சிந்தனை செய்துபார்.

நீங்கள் நற்காரியம் செய்யும்போது இந்த மூன்றையும் கவனித்துக் கொள்ளுங்கள்.

 நீங்கள் நற்காரியம் செய்யும்போது இந்த மூன்றையும் கவனித்துக் கொள்ளுங்கள்.

நீங்கள் நற்காரியம் செய்யும்போது இந்த மூன்றையும் கவனித்துக்கொள்ளுங்கள்.

1. நற்காரியத்தை ஒத்திப் போடாமல் உடனுக்குடன் செய்து முடித்துவிடுங்கள்.

2. நீங்கள் செய்த நற்காரியத்தை யாரும் செய்யாத அரிய செயல் என்று நினைக்காதீர்கள்.

3. அதை மற்றவர்களிடம் கூறி பெருமை தேடாதீர்கள்.

நீங்கள் நற்காரியம் செய்ய முற்படும்போது,  இந்த மூன்றும் முறைப்படி அமைந்திருந்தால்

உங்கள் செயல் முழுமை பெற்றுவிட்டது என்பதே பொருள்.

வாழ்வில் கடைபிடிக்கூடிய விஷயங்கள் ஹஜ்ரத் கூறிய அறிவுரை

 நாகூர் ஞானாசிரியர் ஹஜ்ரத் அப்துல் வஹ்ஹாப் பாகவி II நாகூர் ஷரீஃப் 

வாழ்வில் கடைபிடிக்கூடிய விஷயங்கள் ஹஜ்ரத் கூறிய அறிவுரை

1) கற்பனை செய்யும்போது இல்லாத பொருளை இருப்பதாகவே செய்யவேண்டும். (நம் ரியாலத்தே கற்பனைதான் என்றாலும் அதுதான் உண்மை என்றும் நம்வாழ்க்கைதான் கற்பனை என்றும் நினைக்கவேண்டும்.)

2) ஒரு பிரச்சினை வந்தால் குளித்துவிட்டு (ரிலாக்ஸ்செய்து) அந்த பிரச்சினையை மறந்து விடவும். தீர்வு தானாக வரும்.

3) உடம்பு சரியில்லாதபோது ஒரு ஆழமான, அமைதியான, அலைகளற்ற கடலை கற்பனை செய்து கொண்டு ரிலாக்ஸ்டாக படுத்திருக்கவும்.

4) நோயில் இருக்கும்போது அது இல்லாத மாதிரி நடக்க ஆரம்பித்தால் நடிக்க அல்ல நோய் தானாக குறையத்தொடங்கும். அதாவது நோய் இல்லா விட்டால் அந்த நேரத்தில் என்ன செய்வோமோ அதை Full Concentration னுடன் செய்யவேண்டும்.

5) தூக்கத்திற்கும் விழிப்பிற்கும் அல்லது விழிப்பிற்கும் தூக்கத்திற்கும் இடையேயுள்ள Gapஐ - Midway யை capture பண்ணிப் பழகவேண்டும்.

6) புறஉலக தூண்டுதலுக்கும் அதையொட்டிய நமது செயல்பாட்டுக்கும் இடையேயுள்ள gapஐ புரிந்துக், கொள்ள வேண்டும். (The gap between external stimulus and our reaction to it'). இதை டென்சனுக்கும் ரிலாக்ஸேஷனுக்கும் இடையேயுள்ள கேப் என்றும் புரிந்துக்கொள்ளவும்.

7) தெளிவாகவும் சுருக்கமாகவும் நிதானமாகவும் பேச வேண்டும்.

8) சிந்தனைக்கு நடுவில் ஒருசின்ன பாசிடிவ் (அ)

நெகட்டிவ் எண்ணம் வரும். அதாவது, வந்தால் அது உடம்பில் புதிய அசைவை உண்டாக்க முயலும், அப்போது 10 வினாடிகளுக்கு எந்த புதிய அசைவையும் ஏற்படுத்தாமல் பழைய pontureயே maintain பண்ணவும்(Refer No 1 also)

9) . மல்லாந்து தலையணை இல்லாத Even ஆன மெத்தையில் ரிலாக்ஸ்டாக (கை மேல் கை கால் மேல கால் போட்டு டென்சன் உண்டாக்காமல்) படுப்பது தான் முறை.

10) மேலே 19ல் சொன்னபடிபடுத்தும் மூடியவிழிகளுக்குள் தெரிவதையே பார்த்துக்கொண்டிருந்தால் அது நம்மை midway-ல் கொண்டுபோய் விடும். (It will also bes compensation for loss or sleep).

11) Midway க்குப் போக நாம் Alpha Waveல் இருப்பது அவசியம் எனவே 10 தடவை ஆழமாக மூச்சை இழுத்து விட்டுக்கொள்ளவும்

புத்தகம் என்ன செய்யும்?

 

HAZRAT MAMA SPEAKS

HAZRAT MAMA SPEAKS

================

Burning Desire and Relaxation – இதெல்லாம் ஆங்கிலேயன் தந்த வார்த்தைகள். மனதில் ஒரு விஷயத்தை அடைந்தே ஆகவேண்டும் என்ற ஆசை தோன்றும். ஒரு குறிப்பிட்ட நிலைவரை சென்ற பிறகு, அடைய முடியும் என்ற நம்பிக்கை வரும். அந்த நம்பிக்கை total ஆகும்போது, உறுதியாகும்போது, மனம் முழுமையாக Relax ஆகிவிடும். அந்த நிலைதான் நினைத்ததைக் கொண்டு வரும்.

லட்சியம்

ஹஸ்ரத் மாமா பேசுகிறார்கள்

========================

லட்சியம்

இப்படித்தான் வாழவேண்டும் என்பதை ஒரு லட்சியமாகக் கொண்டாலே போதும். அதுவே உங்களை மேலே கொண்டு போகும். 

அப்போது வாய்ப்புகளை நீங்கள் பார்க்கலாம், வாய்ப்புகள் உங்களைப் பார்க்கும். 

உறுதி 

வைரக்கல்லுக்கும் பனித்துளிக்கும் இடையில் உள்ள வித்தியாசம் வைரத்தின் உறுதிதான்

தங்கச் சுரங்கத்தின் சாவி

ஹஸ்ரத் மாமா

============

தங்கச் சுரங்கத்தின் சாவியை

உங்களிடம் கொடுத்தேன்

நீங்கள் சாவியைத் தூக்கிகொண்டு ஓடிவிட்டீர்கள். 

ஏனெனில் அதுவும் தங்கம்!

வளர்ச்சி

ஹஸ்ரத் மாமா பேசுகிறார்கள்

=========================

வளர்ச்சி – வளர்ச்சி எப்படி இருக்க வேண்டுமெனில், ஒரு பிரச்சனையை நீங்கள் சமாளித்துவிட்டீர்கள் என்றால், அது உங்கள் வாழ்க்கையில் மறுபடி வரவே கூடாது. 

இல்லை என்பதன் பொருள் – ஒரு சக்தி நம்மிடம் இல்லையென்றால் அது இல்லை என்று அர்த்தமல்ல. அந்த சக்தியை இதுவரை நாம் பயன்படுத்தவில்லை என்றுதான் அர்த்தம்.

ஹஸ்ரத் மாமா பேசுகிறார்கள்

ஹஸ்ரத் மாமா பேசுகிறார்கள்

==========================

ஆன்மிகப் பயிற்சி என்பது இல்லாத ஒன்றை புதிதாக உருவாக்குவதற்கல்ல. நமக்குள் மறைந்து கிடப்பதை வெளிக்கொண்டுவருவதற்குத்தான். (ஆழத்தில் புதைந்துகிடக்கும் அதைத்) தோண்டி எடுப்பதுதான். Inventionக்கும் discoveryக்கும் உள்ள வித்தியாசத்தைப் போல. 

முன்னது புதிதாக ஒன்றைக் கண்டுபிடிப்பது / உருவாக்குவது. பின்னது ஏற்கனவே உள்ளதை / மறைந்துள்ளதை மீண்டும் கண்டெடுப்பது. 

நான் தெய்வத்தனை கொண்டவனாக மாறமுடியாது. அது முடியாதது. அப்ப எது possible? 

நான் ஏற்கனவே தெய்வத்தன்மை கொண்டவனாகவே இருப்பது சாத்தியம். 

இப்படி ஏற்கனவே நமக்குள் மறைந்துள்ள தெய்வாம்சம் பொருந்தியவற்றையெல்லாம் வெளிக்கொண்டு வரத்தான் ரியாலத் (ஆன்மிகப் பயிற்சிகள்) பயன்படுகிறது.

ஹஸ்ரத் மாமா பேசுகிறார்கள்

ஹஸ்ரத் மாமா பேசுகிறார்கள்

===========================

உங்களுக்கு என்ன வேண்டும் என்று crystal clearஆகப் புரிந்துகொள்ளவேண்டும். நீங்கள் தமிழிலேயோ அரபியிலேயோ வசனம் பேசினால் அல்லாஹ்வுக்குப் புரியாது. (உணர்ச்சி கலக்காமல் திரும்பத்திரும்ப சில சொற்களைச் சொல்வதால் பயனிருக்காது என்ற அர்த்தத்தில்)

உங்களுக்கு வாழ்க்கையில் என்ன வேண்டும்? (என்று முடிவு செய்துவிட்டு) மனதை அப்படி (அதன் பக்கம்) செலுத்துங்கள். 

You have the privilege of thinking what you want which is the greatest privilege. நமக்கு எது வேண்டுமோ, அதை நினைக்க, அதற்கு ஆசைப்படும் சக்தி, எப்போது வரும்? ஆசைப்பட்டால் கிடைக்கும் என்று இருந்தால்தான் வரும். 

பெரிய மினாரா மேல் ஏற வேண்டும் என்ற ஆசை பெரிய மினாரா இல்லாவிட்டாலோ, அதன் கடைசி கும்பம் இல்லாவிட்டாலோ வராது. 

எனவே, உங்களின் தாழ்வு மனப்பான்மை ‘கட்’ ஆகும்போதுதான் அடைய முடியும் என்ற நம்பிக்கையே வரும்.

நினைப்பே குப்பை

ஹஸ்ரத் மாமா பேசுகிறார்கள்

===========================

வாழ்க்கையில் நமக்கு சிலது கிடைக்கிறது, சிலது கிடைப்பதில்லை, ஏன்? 

கிடைப்பதைவிட நீங்கள் பெரிசு என்ற நினைப்பும், கிடைக்காவிட்டால், அதைவிட உங்களை நீங்கள் சின்னதாகவும் நினைக்கிறீர்கள் (என்று அர்த்தம்). இந்த (மாதிரியான) நினைப்பே குப்பை (யாகும்).

மனிதனுடைய கற்பனை

 மனிதனுடைய கற்பனை சிக்கல், தொல்லை வரும்போதுதான் திரள்கிறது. நாம் அப்படி இருக்கக்கூடாது. எந்தத்தொல்லையும் இல்லாதபோதே சிந்தித்துப் பழகவேண்டும். இதற்கொரு வழி அடுத்தவருக்கு இருக்கும் சிரமத்தைப் பார்ப்பது. அதைத்தீர்க்க வழி என்ன என்று யோசிப்பது. உதவி செய்யலாம். அப்படிச் செய்யும்போது சிக்கலைத் தீர்க்கும் சக்தி உங்களுக்குத் தானாகவே பெருக ஆரம்பிக்கும்

சிந்திப்பது

ஹஜ்ரத் மாமா பேசுகிறார்கள்

=======================

சிந்திப்பது ஒரு இபாதத் (இறைவணக்கம்) ஆகும். சொரிந்து கொண்டே சிந்திப்பீர்களா? 

காற்று பிரியும்போது சிந்தித்தால் 

அதன் துர்நாற்றம் எண்ணத்தில் கலந்து 

அந்த எண்ணத்தின் சக்தி போய்விடும். 

[அதாவது, ஒரு பிரச்சனை பற்றி சிந்திக்கும்போது 

உடல் சுத்தத்துடன் நேராக 

குறிப்பிட்ட இடத்தில், 

குறிப்பிட்ட நேரத்தில் உட்கார்ந்துதான் 

சிந்திக்க வேண்டும்]. – ஹஜ்ரத் மாமா

புத்தர் பேசுகிறார் - 2

• வழி வானத்தில் இல்லை. இதயத்தில் இருக்கிறது. 

• நாம் என்ன நினைக்கிறோமோ அதுதான் நாம். எல்லாமே எண்ணத்தில்தான் தொடங்குகிறது. 

• செய்யவேண்டியதையெல்லாம் இன்றே செய்துவிடு. நாளைக்கு இறப்பு வந்துவிடலாம்.

• ஒவ்வொரு செயலையும் முழுமையாகச் செய், இதுதான் உன் கடைசிச் செயல் என்பதைப்போல.

• எதிலும் ஒட்டிக்கொண்டிருப்பதில்தான் துன்பத்தின் வேர் உள்ளது.

• நதிகளிடமிருந்து கற்றுக்கொள். சிறு சிறு வழிகளில் ஓடும் தண்ணீர் சப்தமிட்டுக்கொண்டே செல்லும். ஆனால் பெரும் ஆறுகள் அமைதியாகப் பயணிக்கும். முழுமையற்றதெல்லாம் சப்தமிடுகிறது. பரிபூரணமானதெல்லாம் அமைதியாக இருக்கிறது. 

• கோபமடைவது என்பது அடுத்தவரின் தவறு உன்னை தண்டிக்க அனுமதிப்பதாகும். 

• சந்தோஷத்துக்கான வழி எதுவுமில்லை. வழியே சந்தோஷம்தான். 

• ஆன்மிகப்பாதையில் உனக்கு ஆதரவளிக்க யாருமில்லையெனில், தனியாகவே போ. 

• தாமரை இலைமேல் தண்ணீரைப்போல எதிலும் ஒட்டாமல் இரு. 

• வேதனை நிச்சயமானது. ஆனால் வேதனைப்படவேண்டுமா என்பது உன் விருப்பம்.

ஆன்மிக உலகம்

ஆன்மிக உலகம் மிகப்பெரியது. கடல் போன்றது. ஆனால் கடற்கரைக்குப் போகின்றவர்களெல்லாம் முத்துக்குளிப்பது இல்லை. காலை நனைத்துவிட்டு வருபவர்களே அதிகம். உங்களுக்கு முத்துக்குளிக்க ஆசை இருக்கிறதா? அறிந்தவர்களைக் கேளுங்கள். அவர்கள் உங்கள்மீது பிரியம் வைத்துவிட்டால் சொல்லிக்கொடுப்பார்கள் – ஹஸ்ரத் மாமா